കൊളംബോ: സമുദ്രാതിർത്തി ലംഘിച്ച് മത്സ്യബന്ധനം നടത്തിയെന്നാരോപിച്ച് 14 ഇന്ത്യൻ മത്സ്യത്തൊഴിലാളികളെ ശ്രീലങ്കൻ നാവികസേന അറസ്റ്റ് ചെയ്തു.
അറസ്റ്റിനുപുറമെ രണ്ട് മത്സ്യബന്ധന ട്രോളറുകൾ പിടിച്ചെടുത്തതായും അധികൃതർ അറിയിച്ചു. മാന്നാർ തീരത്തു ബുധനാഴ്ചയാണ് ഇവരെ പിടികൂടിയത്. ഈ വർഷം ഇതുവരെ 529 ഇന്ത്യൻ മത്സ്യത്തൊഴിലാളികളെ അറസ്റ്റ് ചെയ്യുകയും 68 ട്രോളറുകൾ കസ്റ്റഡിയിലെടുക്കുകയും ചെയ്തതായി ശ്രീലങ്കൻ നാവികസേന അറിയിച്ചു.
